जिल्हाधिकारी कार्यालयासमोर अज्ञात व्यक्तीकडून गोळीबार
येथील जिल्हाधिकारी कार्यालयासमोर असलेल्या रजिस्ट्री ऑफिस आवारात दोघांवर गोळीबार केल्याचा धक्कादायक प्रकार उघडकीस आला आहे. सकाळी अकराच्या दरम्यान हा प्रकार घडला असून लगेचच घटनास्थळी पोलिस प्रशासन दाखल झाले असून पुढील तपास करत आहे
‘ईडी’च्या कोठडीत नवाब मलिक यांची प्रकृती खालावली; उपचारासाठी जे.जे. रुग्णालयात दाखल
बीड येथील जिल्हाधिकारी कार्यालयास जवळ असणारे रजिस्ट्री ऑफिस याठिकाणी शेतीच्या वादातून निर्माण झालेल्या मोठ्या वादातून हाणामारीला सुरुवात झाली. त्यातूनच थरारक गोळीबाराचा प्रकार घडला असल्याची प्राथमिक माहिती समोर येत आहे. यामध्ये सतीश बबन क्षीरसागर, फारुख सिद्दीकी या दोघांवर अज्ञात व्यक्तीने जमीनीच्या वादातून गोळीबार केल्याची घटना बीडचा रजिस्ट्री ऑफिस समोर घडली.
या प्रकरणामुळं जिल्हाधिकारी कार्यालयासमोर एकच खळबळ माजली असून काही काळासाठी परिसरात तणाव निर्माण झाला होता.तर, गोळीबारात जखमी झालेल्या सतीश आणि फारूक याला तात्काळ जिल्हा रुग्णालयात उपचारासाठी हलविण्यात आले आहे. मात्र या घटनेनंतर जिल्हाधिकारी परिसरात तणावाचे वातावरण निर्माण झाले त्यानंतर पोलिस प्रशासन घटनास्थळी येऊन या प्रकाराचा पंचनामा करत पुढील तपास करत असल्याचं या ठिकाणी पोलीस अधीक्षक आर राजा यांनी सांगितलं आहे. मात्र, बीड जिल्ह्यात अशा घटना वारंवार होत असल्याने पोलिस प्रशासनाच्या कामावर प्रश्नचिन्ह उभे राहत आहे.