सुनील गावस्करांच्या विधानावरून राडा;

भारताचे माजी कर्णधार आणि दिग्गज फलंदाज सुनील गावस्कर हे एक कठोर समीक्षक आहेत. गावस्कर जे काही बोलतात त्यामागे ठोस असा तर्क आणि कारण असते. त्यामुळेच ते जे काही बोलतात तेव्हा परिणामांचा विचार करत नाहीत. काही दिवसांपूर्वी गावस्करांनी केलेल्या एका वक्तव्यावरून आता सोशल मीडियावर राडा सुरू झालाय.
ऑस्ट्रेलियाचा महान फिरकीपटू शेन वॉर्न यांचे ४ मार्च रोजी निधन झाले. काही दिवसांपूर्वी गावस्कर यांनी शेन वॉर्न पेक्षा श्रीलंकेचा मुथ्यया मुरलीधरन आणि अनिल कुंबळे हे चांगले गोलंदाज आहेत असे वक्तव्य केले होते. आता त्यांच्या या विधानावर सोशल मीडियावरून ऑस्ट्रेलियाचे चाहते गावस्करांना ट्रोल करण्यास सुरूवात केली आहे.
एका वृत्तवाहिनीवर बोलताना गावस्कर म्हणाले होते की, शेन वॉर्नला भारतीय संघाविरुद्ध तितके यश मिळाले नव्हते जितके मुरलीधरनला मिळले. तुम्ही भारताविरुद्धचे शेन वॉर्नचे रेकॉर्ड काढून बघा, ते फार खराब आहे. भारताविरुद्धच्या नागपूर येतील कसोटी सामन्यात एकदा वॉर्नला पाच विकेट मिळाल्या होत्या. ते देखील यामुळेच झाले कारण जहीर खानने आडवे-तिडवे शॉट खेळल्यामुळे झाले. वॉर्नच्या फिरकीला चांगल्या पद्धतीने खेळणाऱ्या भारतीय फलंदाजाविरुद्ध त्याला यश मिळाले नाही. मी असे म्हणेन की तो महान फिरकीपटू नव्हता. याबाबत मुरलीधरन वॉर्नच्या पुढे आहे.
शेन वॉर्नने भारताविरुद्ध १४ कसोटीत फक्त ४३ विकेट घेतल्या. भारत हा एकमेव देश होता जेथे वॉर्नची सरासरी ३० पेक्षा अधिक होती. तर मुरलीधरनने ३२.१६च्या सरासरीने १०५ विकेट घेतल्या. आकडेवारीचा विचार करता गावस्कर जे बोलले त्याच चुकीचे काहीच नव्हते तर देखील ऑस्ट्रेलियाच्या चाहत्यांना ही गोष्ट आवडली नाही.