आम्हीसुद्धा स्वबळासाठी सज्ज

राज्यात महाविकास आघाडी आहे हे विसरून महापालिका निवडणूक आपल्यासाठी महत्त्वाची आहे. ती आपल्याला आपल्याच ताकदीवर जिंकायची आहे, असे सांगून राष्ट्रवादी काँग्रेसचे नेते खासदार प्रफुल पटेल (Praful patel) यांनी आम्हीसुद्धा स्वबळासाठी सज्ज असल्याचा इशारा काँग्रेसला (Congress) दिला.
राष्ट्रवादी काँग्रेसच्या कार्यकारिणीची बैठक मंगळवारी गणेशपेठ येथील कार्यालयात पार पडली. बैठकीला पटेल यांच्यासह शहराध्यक्ष दुनेश्वर पेठे, माजी मंत्री रमेश बंग, शहर निरीक्षक राजेंद्र जैन, सुबोध मोहिते, शब्बीर अहमद विद्रोही, प्रकाश गजभिये, दीनानाथ पडोळे, प्रवीण कुंटे पाटील, अनिल अहीरकर, आभा पांडे, सलील देशमुख, प्रशांत पवार, वर्षा शामकुळे, जावेद हबीब, दिलीप पनकुले, बजरंग सिंह परिहार, शेखर सावरबांधे, रमेश फुले आदी पदाधिकारी प्रामुख्याने उपस्थित होते.

प्रफुल पटेल यांनी महापालिकेची निवडणूक आपल्याला आपल्याच बळावरच लढायची असल्याचे सांगितले. त्यामुळे आता कुणाच्या सहकार्याची अपेक्षा बाळगू नका आणि गाफील राहू नका.सर्वच प्रभागासाठी तुल्यबळ उमेदवार शोधून ठेवा. प्रत्येकाला संधी मिळणार असल्याने आपसात बसून पॅनेल तयार करा, असा सल्ला राष्ट्रवादीचे नेते खासदार प्रफुल पटेल (Praful patel) यांनी कार्यकर्त्यांना दिला.

राज्यात महाविकास आघाडी असली तरी स्थानिक निवडणुका आम्ही स्वबळावर लढणार असल्याचे प्रदेशाध्यक्ष नाना पटोले वारंवार सांगत आहेत. त्यामुळे आपणही आपल्या ताकदीवर निवडणूक (Praful patel) लढण्यासाठी सज्ज राहावे. आपआपले प्रभाग निश्चित करून जनसंपर्क वाढवा, नागरिकांच्या समस्या जाणून घ्या, अशा सूचनाही यावेळी प्रफुल पटेल (Praful patel) यांनी केली. महापालिकेच्या निवडणुकीतील यश आपल्यासाठी विधानसभेचे दार उघडून देणार आहे. त्याकरिता राष्ट्रवादीच्या अधिकाधिक जागा निवडून आणाव्या, असेही पटेल म्हणाले. रमेश बंग यांनीसुद्धा तयारीला लागण्याची सूचना कार्यकर्त्यांना केली.