होळीच्या शुभेच्छा देताना रोहित शर्माला फुटला घाम;

होळीचा सण आज देशभरात साजरा केला जात आहे. टीम इंडियातील खेळाडू सध्या मुंबईत आयपीएलची तयारी करत आहेत, पण तेदेखील होळीचा आनंद लुटत आहेत. टीम इंडियाचा कर्णधार रोहित शर्मानेही सर्वांना होळीच्या शुभेच्छा दिल्या आहेत, पण शुभेच्छा देतानाचा व्हिडिओ तयार करताना रोहित शर्माला घाम फुटला होता. मुंबई इंडियन्सने ट्विटरवर रोहित शर्माचा एक व्हिडिओ पोस्ट केला आहे, ज्यामध्ये रोहित शर्मा होळीच्या शुभेच्छांचा व्हिडिओ बनवत आहे. या व्हिडिओमध्ये रोहित शर्मा चाहत्यांना होळीच्या शुभेच्छा देत आहे, पण तो खूप गोंधळला होता. हा व्हिडिओ तयार करण्यासाठी त्याने बरेच टेक घेतले होते.
व्हिडिओ पोस्ट करताना मुंबई इंडियन्सने लिहिले की, ‘तुम्ही कोणत्या लाईनमध्ये आला आहात, कॅप्टन? ५३२६१ टेक घेतल्यानंतर रोहित शर्माने सर्वांना होळीच्या शुभेच्छा दिल्या.’ या व्हिडिओमध्ये रोहित शर्माची पत्नी रितिका सजदेह देखील दिसत आहे. कोणता टेक योग्य आहे, यावर रोहित सतत तिच्याशी वाद घालताना दिसत आहे. हा व्हिडिओ चाहत्यांच्या खूप पसंतीस पडत आहे.
अष्टपैली खेळाडू रविंद्र जडेजाने चाहत्यांना होळीच्या शुभेच्छा देताना लिहिले की, हा प्रेम आणि आनंदाचा सण आहे, तो तुमच्या कुटुंबीयांसह आणि मित्रांसोबत खेळा. अनुभवी फलंदाज विराट कोहलीनेही चाहत्यांना होळीच्या शुभेच्छा दिल्या
दरम्यान, चाहत्यांसाठी खरी होळी २६ मार्चपासून सुरू होईल जेव्हा आयपीएल २०२२ स्पर्धेला सुरूवात होईल. चेन्नई सुपर किंग्ज आणि कोलकाता नाईट रायडर्स यांच्यात मुंबईत होणाऱ्या सामन्याने आयपीएलच्या १५ व्या हंगामाची सुरुवात होणार आहे. यावेळी लीगमध्ये १० संघ असून सर्व संघ पूर्णपणे बदलले आहेत.