तासगाव : आळते ग्रामपंचायत परिसरात अज्ञातांकडून शिवरायांच्या पुतळ्याची प्रतिष्ठापना
आळते (ता. तासगाव) येथील ग्रामपंचायत परिसरात आज (बुधवार) पहाटे अज्ञात शिवप्रेमींनी छत्रपती शिवाजी महाराज यांच्या अर्धाकृती पुतळ्याची प्रतिष्ठापना केली. गावातील शिवप्रेमींच्या या धक्कातंत्राने एकच खळबळ उडाली आहे.
तासगावचे पोलिस निरीक्षक भाणूदास निंबोरे यांच्यासह मोठा पोलिस फौजफाटा गावात दाखल झाला आहे. पुतळ्याची प्रतिष्ठापना जरी विनापरवाना करण्यात आली असली, तरी यामुळे कायदा आणि सुव्यवस्थेचा प्रश्न निर्माण होऊ नये यासाठी पोलिस निरीक्षक भाणूदास निंबोरे यांची ग्रामस्थांशी सकारात्मक चर्चा सुरु आहे. दरम्यान हा पुतळा हटविण्यासाठी प्रशासन प्रयत्नशील असल्याची माहिती मिळत आहे.
)
)
)