सांगलीत पहिलीच महिला महाराष्ट्र केसरी कुस्ती स्पर्धा चुकीच्या कारणांमुळे चर्चेच

(sports news) महाराष्ट्रात प्रथमच महिलांसाठी महाराष्ट्र केसरी कुस्ती स्पर्धांच आयोजन करण्यात आलं आहे. सांगली येथे या स्पर्धा सुरु आहेत. खरंतर महिलांसाठीची ही पहिलीच महाराष्ट्र कुस्ती स्पर्धा असल्याने भव्य-दिव्य आयोजनाची अपेक्षा होती. पण कुस्ती स्पर्धेच्या ठिकाणी अत्यंत ढिसाळ नियोजन पाहायला मिळाले आहे. राज्यातील जवळपास 400 हून अधिक महिला कुस्तीगीर या स्पर्धेत सहभागी झाल्या आहेत.

स्पर्धेच्या आयोजनात अनेक त्रुटी राहिल्याने महिला कुस्तीपटूंचे हाल होत आहेत. ज्या क्रीडा संकुलाच्या आवारामध्ये कुस्ती स्पर्धा होत आहेत, त्या ठिकाणी कोणत्याही प्रकारची स्ट्रीट लाईट चालू नाहीय. त्यामुळे अंधारातून वाट काढत महिला कुस्तीपटूंना बाहेर पडावं लागतय.

जेवणासाठी रांगेत उभं राहण्याची वेळ

याशिवाय या महिला कुस्तीपटूंचे जेवणाची सोय करण्यात आली होती, त्या ठिकाणी ही अत्यंत ढिसाळ अशा पद्धतीचे नियोजन पाहायला मिळालं. क्रीडा संकुलात अत्यंत छोटयाशा मेस मध्ये महिला कुस्तीगिरसाठी जेवणाची सोय करण्यात आली होती. त्यामुळे रांगेत ताटकळत ठेवून या मुलींना आत सोडण्यात येत होतं.

रहायची व्यवस्था कशी आहे?

आसन व्यवस्था नसल्याने महिला कुस्तीपटूना खाली बसून जेवण करावे लागले. पिण्याची पाण्याची व्यवस्था देखील नीट नव्हती. जेवण झाल्यानंतर हात धुण्यासाठी देखील कुस्तीगीर महिलांसाठी पाण्याची व्यवस्था नव्हती. महिलांची राहण्याची व्यवस्था देखील नीट नसल्याच्या तक्रार करण्यात येत होत्या. (sports news)

महाराष्ट्र कुस्तीच्या इतिहासात पहिल्यांदा महिला महाराष्ट्र केसरी कुस्ती स्पर्धा पार पडत आहेत. मात्र यामध्ये नियोजनाचा मोठा अभाव होता. ज्यामुळे महिला कुस्तीपट्टूची मोठी गैरसोय झाली आहे.

दिपाली सय्यद भोसले यांच्या वक्तव्यावरुन वादंग

दरम्यान मागच्या आठवड्यात दिपाली सय्यद भोसले यांच्या एका वक्तव्यावरुन वाद निर्माण झाला होता. आता राजकारणात सक्रीय असलेल्या अभिनेत्री दिपाली सय्यद भोसले यांनी कोल्हापुरात होणारी महिला महाराष्ट्र केसरी स्पर्धा हीचं शासनाची अधिकृत स्पर्धा असल्याच म्हटलं होतं. एप्रिलच्या शेवटच्या आठवड्यात कोल्हापूरात महिला महाराष्ट्र केसरी स्पर्धा होणार आहे, असं त्यांनी सांगितलं होतं.

भारतीय कुस्ती परिषदेच्या अस्थाई समितीने एक ते सात एप्रिल दरम्यान पुण्यात महिला महाराष्ट्र केसरी कुस्ती स्पर्धा होत असल्याची घोषणा केलीय. सांगलीतही स्पर्धा सुरु आहे. त्यामुळे खरी महाराष्ट्र केसरी स्पर्धा कुठली असा प्रश्न पडला होता.