कडक उन्हाळ्यात शरीरात थंडावा आणतील हे 3 इंफ्यूज्ड वॉटर ड्रिंक, जाणून घ्या बनवायची पद्धत

सध्या कडक उन्हामुळे अंगाची लाहीलाही होत आहे. या उष्णतेचा प्रभाव अशा लोकांवर जास्त होतो ज्यांची रोगप्रतिकारक शक्ती कमी असते. यासोबतच जे बाहेर उन्हात जास्त काम करतात, त्यांनाही या कडक उन्हाचा फटका बसू शकतो. तेव्हा उष्णतेपासून बचावासाठी आपली प्रतिकारशक्ती (Immunity) वाढवणे आवश्यक आहे. यासोबतच शरीरात पाण्याची कमतरता भासू नये म्हणून मुबलक प्रमाणात पाणी पिणे देखील तितकेच आवश्यक आहे.

इंफ्यूज्ड वॉटर हे असे पेय आहे, जे प्यायल्याने शरीरात पाण्याची भासत नाही आणि रोगप्रतिकारक शक्ती देखील वाढेते. इंफ्यूज्ड वॉटर हे चवीला देखील छान असते, म्हणून ते पिण्यास देखील वेगळीच मजा येते, यासोबतच याचे अनेक फायदे देखील आहेत. इंफ्यूज्ड वॉटर हे उन्हाळ्यात शरीरामध्ये इलेक्ट्रोलाइट्सची कमतरता होऊ देत नाही. फळाचा तुकडा इंफ्यूज्ड वॉटरमध्ये मिसळला जातो, त्यामुळे मिनरल्स आणि इतर पोषक द्रव्ये पाण्यात मिसळली जातात. बाहेर पडतात. त्यामुळे इंफ्यूज्ड वॉटर हे अनेक पोषक तत्वांनी भरलेले असते.

अपोलो हॉस्पिटल, बंगळुरूच्या न्यूट्रिशनिस्ट डॉ. प्रियंका रोहतगी म्हणतात की, उन्हाळ्यात इंफ्यूज्ड वॉटर खूप फायदेशीर आहे. यामुळे शरीरातील तरलता अबाधित राहते आणि उष्णतेचा प्रभाव कमी होतो. याशिवाय हे पचनशक्ती आणि रोगप्रतिकारशक्ती (Immunity) देखील वाढवते. इंफ्यूज्ड वॉटर म्हणजे त्यात कोणत्याही प्रकारचे सॅच्युरेटेड फॅट नसते, त्यामुळे वजन कमी होण्यास मदत होते. इंफ्यूज्ड वॉटरमध्ये अँटी-ऑक्सिडंट्सचे प्रमाण वाढते. त्यामुळे शरीरात ऑक्सिडेशन होत नाही. ऑक्सिडेशनमुळे, पेशींमध्ये मुक्त रॅडिकल्स तयार होतात जे शरीरातील पेशी नष्ट करतात. इंफ्यूज्ड वॉटरमध्ये व्हिटॅमिन सीचे प्रमाण जास्त असते, ज्यामुळे शरीरातील प्रतिकारशक्ती वाढते.

अशा प्रकारे बनवा इंफ्यूज्ड वॉटर:

1. काकडी, तुळस, पुदिना मिश्रित पाणी बनवायचे असेल तर काकडी कापून एक लिटर पाण्यात टाका. त्यात पुदिना आणि तुळशीची पाने टाका. दोन ते तीन तास तसंच राहू द्या. त्यानंतर ते पाणी गाळून प्या. इंफ्यूज्ड वॉटरमुळे उन्हाळ्यात डिहाइड्रेशची समस्या जाणवत नाही. तसेच यामुळे वजन कमी होण्यासही मदत होईल.

2. उन्हाळ्यात लिंबू, आले, दालचिनी टाकून पाणी बनवायचे असेल तर एक लिटर पाण्यात लिंबू, आले आणि दालचिनी टाका. 3 ते 4 तास पाण्यात भिजवू द्या. त्यामुळे दालचिनी आणि आले यातील सर्व मिनिरल्स पाण्यात मिसळतील. आता सेवन करा. उन्हाळ्यात याचे सेवन करणे खूप फायदेशीर ठरू शकते.

3. ऑरेंज-स्ट्रॉबेरी आणि मिंट- सह हे पेय बनवण्यासाठी सारखीच पद्धत वापरली जाते. यासाठी एक लिटर पाणी घेऊन संत्री, स्ट्रॉबेरी कापून पाण्यात ठेवा. यासोबतच त्यात पुदिन्याची पानेही टाका. यानंतर तीन ते चार तास हे सोडून द्या आणि मग पियुन टाका. सोडा. आता सेवन करा. या इंफ्यूज्ड वॉटरमुळे शरीरात डिहायड्रेशनची कमतरता जाणवत नाही.