टाकळीवाडी मध्ये भटक्या कुत्र्यांचा वावर वाढला

पत्रकार नामदेव निर्मळे

(local news) टाकळीवाडी तालुका शिरोळ येथे भटक्या कुत्र्यांचा वावर वाढलेला आहे. सर्वत्र भीतीचे वातावरण निर्माण झाले आहे. अनेक लहान बालके, वयोवृद्ध नागरिक यांची रस्त्यावर ये जा करत असतात. यांना भटक्या कुत्र्यांचा त्रास सहन करावा लागत आहे.

सध्या उन्हाळ्याचे दिवस असल्यामुळे अनेक शेतकरी रात्री पाणी बघण्यासाठी शेताकडे ये जा करत असतात. त्यांच्या अंगावर भटकी कुत्री धावून जाण्याचे प्रकार वाढले आहेत.

सध्या सुट्टीचे दिवस असल्यामुळे अनेक लहान बालके यांच्यावर भटकी कुत्री हल्ला करू शकतात. भटक्या कुत्र्यांची संख्या गावांमध्ये भरपूर झालेली आहे. (local news)

विपरीत घडण्या अगोदर भटक्या कुत्र्यांचा बंदोबस्त करावा. गावामध्ये भटक्या कुत्र्यांचा असंख्य गट आहे. गावातील नागरिकांनी सतर्क रहावे व भटक्या कुत्र्यांचा बंदोबस्त करावा अशी मागणी आता जोर धरत आहे.